朱古力兔媽媽與雪櫃套裝
- Dec 25, 2017
- 1 min read
歡迎嚟到朱古力兔媽媽嘅屋企，兔媽媽正在諗緊聖誕節要煮啲乜嘢做晚餐。
兔媽媽打開冰格，就發現有一杯焦糖雪糕同一杯士多啤梨雪糕。
為食嘅兔媽媽諗都無諗，就攞咗杯焦糖蛋糕食。
食完杯雪糕後，兔媽媽覺得未夠喉，於是又喺雪櫃下格攞咗枝牛奶飲，好似完全唔記得咗要煮飯咁。
跟住仲要食埋尋日虎紋貓媽媽造嘅布甸！
原來兔媽媽無忘記到要煮飯。而家檢查緊蔬菜格有啲乜嘢菜可以煮。
有生菜，仲好新鮮，好似好好食咁呀。
又有番茄
仲有兔女女最鐘意食嘅甘荀添。嗯⋯⋯點煮好呢？
唉！諗唔到呀～坐陣先啦！日日係咁煮都唔知煮乜好。
唯有睇下雜誌睇下有無啲新菜式啦。
雜誌都係無乜新意，不如飲杯茶先算啦。
算吧啦！都係煮返平時煮開個雜菜煲啦。結果兔媽媽都係諗唔到新菜式，走返去廚房煮飯了。
Comments