淺間屋煎餅店 完成品

BRAND：BILLY ビリー

NAME：柴又の老舖キット　8832　柴又のせんべい屋

PRICE：5400日圓

呢個係 BILLY 「柴又の老舖キット」系列中三款的其中一款煎餅店（せんべい屋）。其餘兩款分別係鰻魚店（うなぎ屋）和粉團店（だんご屋）。

包裝附有黑白圖文解釋製作步驟，不過只有日文版喔。第一頁有列出包裝內附有的材料，記得要對齊所有材枓先開工呀！另外有提示自己需要額外準備的工具和材料。準備好就開工喇！

完成品的正面，同說明書上面張參考圖片都好似架﹝笑﹞。間屋實際唔算大，但係都可以放到好多小物品，將整個舖面充滿，係你去到日本行過都會停低望下的舖頭。

完成品的右側。外牆係米白色有壓紋的紙，做成石牆的效果。

完成品的左側都有米白色的壓紋紙。在左邊仲有一個橫向的招牌，小招牌頂的瓦頂增添咗細緻感。

店舖的大招牌和小招牌，形狀各具特色。喜歡陳舊感的朋友仲可以在招牌和外牆上使用塗料，營造出自然拆舊的感覺。不過本人就喜歡原本新束束的感覺喇。

店舖前方安裝有奶黃色的帳篷，可以遮太陽同擋雨。你知啦，煎餅要脆卜卜先好食嘛。曬得多會淋咗，啲煎餅就賣唔出喇。﹝哭﹞

店頭的陳列架鋪上充滿日本色彩的草綠色布匹，上面整齊排列著不同口味的煎餅。

6 個玻璃瓶裝著滿的煎餅，堅燒、薄燒、唐辛子、胡麻，海苔和砂糖口味，顧客可以逐塊購買。包裝好的一袋袋的煎餅則陳列在竹籮內。亦都有包裝好的禮盒可以買來當手信啦。

店舖內的牆架上，都有好多鐵罐裝著準備出售的煎餅喔。牆上的日曆日子清楚可見。

炭爐上正燒製緊 4 塊海苔煎餅呢。後面仲有一罐醬油放在舊報紙上面。

剛剛燒好的煎餅放咗喺店內乘涼，攤凍咗就可以放入罐儲存嚕。

店前的小路上面，由小砂石鋪成的磚塊都非常仔細。鐘意整色整水的朋友當然可以發揮自己的創意，使用唔同的塗料增加小路的真實感啦。

屋頂的瓦片亦都要留意，普通的瓦通紙塗上阿加力顏料就變成幾可亂真的瓦片了。

呢個模型我覺得最難的地方就係用佢提供的紙漿做出差唔多100塊的煎餅。無錯！咪睇間舖細細，店頭的架上面已經有100塊煎餅。厲害吧？其餘部份都係一些小手工，無乜經驗的朋友都可以應付到。大家不妨都試下砌。^^

#ビリー #BILLY