1/144 高達放入 1/12 玩具屋竟然如此搭配！

大家如果有留意我之前嘅貼文，相信大家都知道我完成咗一張 1/12 嘅玩具屋雙人床。當我喺街不斷揾一啲可以擺甫士嘅 6 吋 figure 諗住放入玩具屋之際，原來喺屋企嘅飾櫃入面已經有咗最搭配嘅選擇，佢就係 1/144 嘅高達模型喇！

將高達放上張雙人床上面，身高真係啱啱好！頭部都啱啱訓咗喺個枕頭上面！

幫佢冚返張被睇睇個效果先。簡直係完美呀！

所以我決定試下攞多啲唔同嘅甫士。訓到副晒被嘅高達。張被都比佢跌咗落床咁滯喇。

訓醒喺床邊梗係做下二朗神hea下先啦！

放假無嘢做，最啱坐喺床上面睇下漫畫。

睇漫畫都可以咁認真。果然係認真過温書喔！

等我再造多啲新傢俬之後，高達們應該有好多消遣。想睇更多更新貼文，記得要讚好我嘅專頁喇！