EDUCA 4000 Pieces 砌圖 New York Theatre

4000塊嘅砌圖，完成咗真係好有滿足感呀！成品尺寸為136 x 96 cm。全幅砌圖只有電影、舞台劇廣告同前面兩部車係彩色，其他背景以黑白為主，突顯百老匯大街嘅感覺。奉勸各位屋企無咁大地方真係唔好亂買咁大幅砌圖。我喺砌呢幅砌圖嘅6個月入面，我係完全無晒活動空間。不過細幅嘅砌圖已經滿足唔到我嘅慾望喇，所以我都係會繼續砌再大啲嘅砌圖。(笑)

好彩幅圖有好多英文字，各有自己嘅風格，所以從啲字入手係呢幅圖嘅小技巧。我係喺地下度砌，所以我喺砌圖下面鋪咗砌圖毯。如果嫌幅圖真係好阻地方，唔砌果陣可以將砌圖毯連埋半製成品捲起收藏。

完成咗其中一部分嘅字喇，喺砌緊嘅過程中都可以帶來少少安慰。 音樂劇SOUTH PACIFIC的廣告。

計劃還未成功，同志仍需努力。建議大家砌咁大幅砌圖時，揾多幾個膠盒方便分開唔同顏色，或者覺得係唔同範圍嘅pieces。

砌到尾段，連我隻貓貓都抗議我令到佢無咗活動空間。索性訓喺我幅圖上面賴死唔走。(笑)

#EDUCA