江之島電鐵線的小確幸
- Sep 22, 2017
- 2 min read
日本江之島電鐵線因為一套動畫令到佢無人不知。今次小編去日本旅行亦都親自去乘坐咗呢一條特色本地線。
江之島電鐵線行走鎌倉至藤沢之間，列車多為4輛編成。傳統顏色以草綠色和奶黃色為主。
今次要介紹唔係電車的實物，而係小編喺鎌倉站入間的紀念品專門店見到的一個以江之電為題的鐵盒裝和菓子。價格1000日圓的和菓子，咪以為佢只係賣個鐵盒係江之電個樣，入面啲和菓子就一定唔好食啦！咁你就錯喇！小編覺得入面啲和菓子好味得黎仲好有日本風味。絶對係送禮自用都一流嘅手信。
事不宜遲，即刻click入嚟睇下內文介紹啦。
一個長方形的鐵盒卻擁有江之電的外表。
鐵盒側面可以見到乘務員室的門和兩道乘客門。
車頭部分有車頭燈，愛稱名牌，車號，列車連接器都清楚印出。
車門上更加有提防夾手的標貼。車箱內的扶手，車窗，台車部份都好逼真呀！ 仲有見唔見到盒蓋中間部分個排氣口！點可以做到咁細緻架？
車頂的集電弓，排線，冷氣排氣口，鉅細無遺。
你睇下集電弓位置的零件幾咁精細！
鐵盒的尾端就見到妻部貫通口的位置。妻部的端車窗同電纜，控制筏一點都唔馬虎。
小心保存呢個鐵盒都可以收藏到好多年架！咁如果大家有機會，我梗係極力推薦你要親身去坐一次江之島電鐵線啦！
Comments